سُبْحٰنَ الَّذِیْۤ اَسْرٰى بِعَبْدِهٖ لَیْلًا مِّنَ الْمَسْجِدِ الْحَرَامِ اِلَى الْمَسْجِدِ الْاَقْصَا الَّذِیْ بٰرَكْنَا حَوْلَهٗ لِنُرِیَهٗ مِنْ اٰیٰتِنَاؕ-اِنَّهٗ هُوَ السَّمِیْعُ الْبَصِیْرُ(۱)
پاکی ہے اسے جوراتوں رات اپنے بندے کو لے گیا مسجدِ حرام(خانہ کعبہ) سے مسجد اقصا(بیت المقدس) تک جسکے گرداگرد ہم نے برکت رکھی کہ ہم اسے
اپنی عظیم نشانیاں دکھائیں بےشک وہ سنتا دیکھتا ہے
ہجرت سے قبل معراج کا معجز ہ رونما ہوا معراج نبی صلی اللّٰہ علیہ وسلم کا سب سے بڑا معجزہ تھا معراج پر جانے سے قبل شق صدر کا واقعہ رونما ہوا
کائنات کو اللّٰہ نے حضور صلی اللّٰہ علیہ وسلم کے خاطر پیدا کیا
تو اس کا تصرف بھی عطا کیا ہے حضور صلی اللّٰہ علیہ وسلم نے اشارہ فرمایا اورحکم دیا تو افلاک کا ایک بہت بڑا کزہ چاند دو ٹکڑے ہوگیا چاند نے حکم مانا اور حضور صلی اللّٰہ علیہ وسلم نے حکم دیا تو سورج غروب ہو چکا تھا دوبارہ طلوع ہوگیا اور معراج کی رات پوری کائنات کا وقت ساکن ہوگیا حضور صلی اللہ علیہ وسلم کو معراج ہوا قدرت کی تمام نشانیاں دیکھیں آسمانوں کی سیر کی پردہ کر جانے والے انبیاء علیھم السلام سے ملاقاتیں فرمائیں اور واپس تشریف لائے تو ایک لمحہ بھی نہیں گزرا تھا پوری کائنات تصرف میں تھی اور اس کا کنٹرول حاصل تھا
اور ہمارا ایمان ہےیہ معراج جسمانی تھا روحانی یا خواب کی حالت میں نہیں تھا حضور صلی اللہ علیہ وسلم جسم کے ساتھ ہی معراج پر تشریف لے گئے تھے
معراج کی رات حضور صلی اللّٰہ علیہ وسلم نے پوری کائنات کو عبور اور کراس کرلیا تھا اور اس سے اوپر بھی چلے گئے تھے اور واپسی صرف ایک لمحے میں ہو گئی
کائنات کے حجم اور وسعت کا کوئی تصور بھی نہیں کرسکتا مگر حضور صلی اللّٰہ علیہ وسلم نے پوری کائنات کو اور اس سے آگے لاہوت لامکاں کی بلندیوں اور رفعتوں کو صرف ایک لمحے میں طے کرلیا تھا اور پھر واپس بھی آگئے تھے اتنی بڑی کائنات اور لاہوت لامکاں کی بلندیوں کو عبور کرکے اور تمام آیاتِ بینات دیکھنے اور آسمانوں کی سیر کرنے کے بعد حضور صلی اللّٰہ علیہ وسلم واپس اپنی قیام گاہ پر پہنچے تو ایک لمحہ بھی نہیں گزرا تھا دروازہ کھولتے ہوئے کنڈی ہلتی ہوئی چھوڑ گئے تھے وہ اسی طرح ہل رہی تھی اور جس کوزے سے وضو فرمایا کرتے اسے ٹیڑھا چھوڑ گئے تھے اس کی ٹو نٹی سے پا نی کی دھار اسی طرح بہہ رہی تھی اور بستر جس طرح گرم چھوڑ گئے تھے وہ اسی طرح گرم تھا
گویا زمین پر ایک لمحہ بھی نہیں گزرا تھا معراج کی رات کی سب سے زیادہ حیرت انگیز بات یہی تھی اور دنیا حیران ہے اور قیامت تک حیرن رہے گی کہ یہ کیسے ہوا اور معجزے کو معجزہ اسی لیے کہتے ہیں کہ انسانی عقل اس کی تعبیر اور تشریح سے عاجز آجاہے اور حیران اور ششد رہ جائے
اِنَّ اللہَ عَلٰى كُلِّ شَیْءٍ قَدِیْرٌ
بےشک اللہ سب کچھ کرسکتا ہے
اللّٰہ نے حضور صلی اللّٰہ علیہ وسلم کو معراج کرایا اور یہ تمام اسباب اللّٰہ نے فراہم کیے تھے معراج ایک معجزہ ہی تھا اس لیے پہلے کفار مکہ کی سمجھ میں نہیں آیا اور پھر پوری دنیا کی مادی عقل والے اس کی تاویل اور تشریح سے آج تک قاصر ہیں اور قیامت تک قاصر ہی رہیں گے
